अध्याय 153: राजा सत्यकेतु और दो पुत्र

सुनु मुनि कथा पुनीत पुरानी । जो गिरिजा प्रति सम्भु बखानी ॥
बिस्व-बिदित एक कैकय देसू । सत्यकेतु तहँ बसइ नरेसू ॥

sunu muni kathā punīta purānī | jo girijā prati sambhu bakhānī ||
bisva-bidita eka kaikaya desū | satyaketu taham̐ basai naresū ||

धरम-धुरन्धर नीति-निधाना । तेज प्रताप सील बलवाना ॥
तेहि कें भये जुगल-सुत बीरा । सब-गुन-धाम महा-रनधीरा ॥

dharama-dhurandhara nīti-nidhānā | teja pratāpa sīla balavānā ||
tehi keṃ bhaye jugala-suta bīrā | saba-guna-dhāma mahā-ranadhīrā ||

राज-धनी जो जेठ सुत आही । नाम प्रताप-भानु अस ताही ॥
अपर-सुतहि अरिमर्दन नामा । भुज-बल-अतुल अचल-संग्रामा ॥

rāja-dhanī jo jeṭha suta āhī | nāma pratāpa-bhānu asa tāhī ||
apara-sutahi arimardana nāmā | bhuja-bala-atula acala-saṃgrāmā ||

भाइहि भाइहि परम समीती । सकल दोष छल वरजित प्रीती ॥
जेठे सुतहि राज नृप दीन्हा । हरि हित आपु गवन बन कीन्हा ॥

bhāihi bhāihi parama samītī | sakala doṣa chala varajita prītī ||
jeṭhe sutahi rāja nṛpa dīnhā | hari hita āpu gavana bana kīnhā ||