अध्याय 152: प्रभु का सत्य वचन

इच्छामय नर-बेष सँवारें । होइहउँ प्रगट निकेत तुम्हारे ॥
अंसन्ह सहित देह धरि ताता । करिहउँ चरित भगत-सुख-दाता ॥

icchāmaya nara-beṣa sam̐vāreṃ | hoihaum̐ pragaṭa niketa tumhāre ||
aṃsanha sahita deha dhari tātā | karihaum̐ carita bhagata-sukha-dātā ||

जे सुनि सादर नर बड़भागी । भव तरिहहिँ ममता-मद त्यागी ॥
आदिसक्ति जेहिं जग उपजाया । सोउ अवतरिहि मोरि यह माया ॥

je suni sādara nara bar̤abhāgī | bhava tarihahim̐ mamatā-mada tyāgī ||
ādisakti jehiṃ jaga upajāyā | sou avatarihi mori yaha māyā ||

पुरउब मैँ अभिलाष तुम्हारा । सत्य सत्य पन सत्य हमारा ॥
पुनि पुनि अस कहि कृपानिधाना । अन्तरधान भये भगवाना ॥

purauba maim̐ abhilāṣa tumhārā | satya satya pana satya hamārā ||
puni puni asa kahi kṛpānidhānā | antaradhāna bhaye bhagavānā ||

दम्पति उर धरि भगति कृपाला । तेहिं आश्रम निवसे कछु काला ॥
समय पाइ तनु तजि अनयासा । जाइ कीन्ह अमरावति बासा ॥

dampati ura dhari bhagati kṛpālā | tehiṃ āśrama nivase kachu kālā ||
samaya pāi tanu taji anayāsā | jāi kīnha amarāvati bāsā ||