अध्याय 154: प्रतापभानु की दिग्विजय

नृप-हित-कारक सचिव सयाना । नाम धरमरुचि सुक्र समाना ॥
सचिव सयान बन्धु-बल-बीरा । आपु प्रताप-पुञ्ज रनधीरा ॥

nṛpa-hita-kāraka saciva sayānā | nāma dharamaruci sukra samānā ||
saciva sayāna bandhu-bala-bīrā | āpu pratāpa-puñja ranadhīrā ||

सेन सङ्ग चतुरङ्ग अपारा । अमित सुभट सब समर जुझारा ॥
सेन बिलोकि राउ हरषाना । अरु बाजे गहगहे निसाना ॥

sena saṅga caturaṅga apārā | amita subhaṭa saba samara jujhārā ||
sena biloki rāu haraṣānā | aru bāje gahagahe nisānā ||

बिजय हेतु कटकई बनाई । सुदिन साधि नृप चलेउ बजाई ॥
जहँ तहँ परीं अनेक लराईं । जीते सकल भूप बरिआई ॥

bijaya hetu kaṭakaī banāī | sudina sādhi nṛpa caleu bajāī ||
jaham̐ taham̐ parīṃ aneka larāīṃ | jīte sakala bhūpa bariāī ||

सप्त-दीप भुज-बल बस कीन्हे । लेइ लेइ दंड छाडि नृप दीन्हें ॥
सकल अवनि-मंडल तेहि काला । एक प्रताप-भानु महिपाला ॥

sapta-dīpa bhuja-bala basa kīnhe | lei lei daṃḍa chāḍi nṛpa dīnheṃ ||
sakala avani-maṃḍala tehi kālā | eka pratāpa-bhānu mahipālā ||