अध्याय 151: मनु और शतरूपा को वरदान

सुनि मृदु गूढ़ रुचिर बर रचना । कृपासिन्धु बोले मृदु बचना ॥
जो कछु रुचि तुम्हरे मन माहीँ । मैँ सो दीन्ह सब संसय नाहीँ ॥

suni mṛdu gūr̤ha rucira bara racanā | kṛpāsindhu bole mṛdu bacanā ||
jo kachu ruci tumhare mana māhīm̐ | maim̐ so dīnha saba saṃsaya nāhīm̐ ||

मातु बिबेक अलौकिक तोरें । कबहुँ न मिटिहि अनुग्रह मोरें ॥
बन्दि चरन मनु कहेउ बहोरी । अवर एक विनती प्रभु मोरी ॥

mātu bibeka alaukika toreṃ | kabahum̐ na miṭihi anugraha moreṃ ||
bandi carana manu kaheu bahorī | avara eka vinatī prabhu morī ||

सुत-बिषइक तव पद-रति होऊ । मोहि बड़ मूढ़ कहइ किन कोऊ ॥
मनि बिनु फनि जिमि जल बिनु मीना । मम जीवन तिमि तुम्हहिँ अधीना ॥

suta-biṣaika tava pada-rati hoū | mohi bar̤a mūr̤ha kahai kina koū ||
mani binu phani jimi jala binu mīnā | mama jīvana timi tumhahim̐ adhīnā ||

अस बर माँगि चरन गहि रहेऊ । एवमस्तु करुनानिधि कहेऊ ॥
अब तुम्ह मम अनुसासन मानी । बसहु जाइ सुरपति-रजधानी ॥

asa bara mām̐gi carana gahi raheū | evamastu karunānidhi kaheū ||
aba tumha mama anusāsana mānī | basahu jāi surapati-rajadhānī ||