अध्याय 146: मनु की प्रभुदर्शन की याचना

सुनु सेवक सुरतरु-सुरधेनु । बिधि-हरि-हर-बन्दित पद-रेनू ॥
सेवत सुलभ सकल सुख दायक । प्रनत पाल सचराचर नायक ॥

sunu sevaka surataru-suradhenu | bidhi-hari-hara-bandita pada-renū ||
sevata sulabha sakala sukha dāyaka | pranata pāla sacarācara nāyaka ||

जौँ अनाथ-हित हम पर नेहू । तौ प्रसन्न होइ यह बर देहू ॥
जो सरूप बस सिव मन माहीँ । जेहि कारन मुनि जतन कराहीँ ॥

jaum̐ anātha-hita hama para nehū | tau prasanna hoi yaha bara dehū ||
jo sarūpa basa siva mana māhīm̐ | jehi kārana muni jatana karāhīm̐ ||

जो भुसुंडि-मन-मानस हंसा । सगुन अगुन जेहि निगम प्रसंसा ॥
देखहिँ हम सो रूप भरि लोचन । कृपा करहु प्रनतारति-मोचन ॥

jo bhusuṃḍi-mana-mānasa haṃsā | saguna aguna jehi nigama prasaṃsā ||
dekhahim̐ hama so rūpa bhari locana | kṛpā karahu pranatārati-mocana ||

दम्पति बचन परम प्रिय लागे । मृदुल बिनीत प्रेम-रस पागे ॥
भगत-बछल प्रभु कृपानिधाना । विस्वबास प्रगटे भगवाना ॥

dampati bacana parama priya lāge | mṛdula binīta prema-rasa pāge ||
bhagata-bachala prabhu kṛpānidhānā | visvabāsa pragaṭe bhagavānā ||