अध्याय 14: कवियों, वाल्मीकि, वेदों और ब्रह्मा की वन्दना

एहि प्रकार बल मनहिँ देखाई । करिहउँ रघुपति कथा सुहाई ॥
व्यास-आदि कबि पुङ्गव नाना । जिन्ह सादर हरि सुजस बखाना ॥

ehi prakāra bala manahim̐ dekhāī | karihaum̐ raghupati kathā suhāī ||
vyāsa-ādi kabi puṅgava nānā | jinha sādara hari sujasa bakhānā ||

चरन-कमल बन्दउँ तिन्ह केरे । पुरवहुँ सकल मनोरथ मेरे ॥
कलि के कबिन्ह करउँ परनामा । जिन्ह बरने रघुपति-गुन-ग्रामा ॥

carana-kamala bandaum̐ tinha kere | puravahum̐ sakala manoratha mere ||
kali ke kabinha karaum̐ paranāmā | jinha barane raghupati-guna-grāmā ||

जे प्राकृत कबि परम सयाने । भाषाँ जिन्ह हरि चरित बखाने ॥
भये जे अहहिं जे होइहहिं आगें । प्रनवउँ सबहिँ कपट छल त्यागें ॥

je prākṛta kabi parama sayāne | bhāṣām̐ jinha hari carita bakhāne ||
bhaye je ahahiṃ je hoihahiṃ āgeṃ | pranavaum̐ sabahim̐ kapaṭa chala tyāgeṃ ||

होहु प्रसन्न देहु बरदानू । साधु-समाज भनिति सनमानू ॥
जो प्रबन्ध बुध नहिं आदरहीं । सो बम बादि बाल-कबि करहीं ॥

hohu prasanna dehu baradānū | sādhu-samāja bhaniti sanamānū ||
jo prabandha budha nahiṃ ādarahīṃ | so bama bādi bāla-kabi karahīṃ ||

कीरति भनिति भूति भलि सोई । सुरसरि सम सब कहँ हित होई ॥
राम-सुकीरति भनिति भदेसा । असमञ्जस अस हमहिँ अँदेसा ॥

kīrati bhaniti bhūti bhali soī | surasari sama saba kaham̐ hita hoī ||
rāma-sukīrati bhaniti bhadesā | asamañjasa asa hamahim̐ am̐desā ||

तुम्हरी कृपा सुलभ सोउ मोरे । सिअनि सुहावनि टाट पटोरे ॥

tumharī kṛpā sulabha sou more | siani suhāvani ṭāṭa paṭore ||