अध्याय 15: सरस्वती, गंगा और शिव पार्वती की कृपा

पुनि बन्दउँ सारद सुरसरिता । जुगल पुनीत मनोहर-चरिता ॥
मज्जन पान पाप हर एका । कहत सुनत एक हर अबिबेका ॥

puni bandaum̐ sārada surasaritā | jugala punīta manohara-caritā ||
majjana pāna pāpa hara ekā | kahata sunata eka hara abibekā ||

गुरु पितु मातु महेस-भवानी । प्रनवउँ दीनबन्धु दिन-दानी ॥
सेवक स्वामि सखा सिय-पी के । हित निरुपधि सब विधि तुलसी के ॥

guru pitu mātu mahesa-bhavānī | pranavaum̐ dīnabandhu dina-dānī ||
sevaka svāmi sakhā siya-pī ke | hita nirupadhi saba vidhi tulasī ke ||

कलि बिलोकि जग-हित हर-गिरिजा । साबर मन्त्र जाल जिन्ह सिरिजा ॥
अनमिल आखर अरथ न जापू । प्रगट प्रभाउ महेस प्रतापू ॥

kali biloki jaga-hita hara-girijā | sābara mantra jāla jinha sirijā ||
anamila ākhara aratha na jāpū | pragaṭa prabhāu mahesa pratāpū ||

सो महेस मोहि पर अनुकूला । करिहिं कथा मुद-मङ्गल-मूला ॥
सुमिरि सिवा-सिव पाइ पसाऊ । बरनउँ रामचरित चित-चाऊ ॥

so mahesa mohi para anukūlā | karihiṃ kathā muda-maṅgala-mūlā ||
sumiri sivā-siva pāi pasāū | baranaum̐ rāmacarita cita-cāū ||

भनिति मोरि सिव कृपाँ बिभाती । ससि-समाज मिलि मनहुँ सुराती ॥
जे एहि कथहि सनेह-समेता । कहिहहिँ सुनिहहिँ समुझि सचेता ॥

bhaniti mori siva kṛpām̐ bibhātī | sasi-samāja mili manahum̐ surātī ||
je ehi kathahi saneha-sametā | kahihahim̐ sunihahim̐ samujhi sacetā ||

होइहहिँ राम-चरन-अनुरागी । कलि मल रहित सुमङ्गल-भागी ॥

hoihahim̐ rāma-carana-anurāgī | kali mala rahita sumaṅgala-bhāgī ||