एहि प्रकार बल मनहिँ देखाई । करिहउँ रघुपति कथा सुहाई ॥
व्यास-आदि कबि पुङ्गव नाना । जिन्ह सादर हरि सुजस बखाना ॥
ehi prakāra bala manahim̐ dekhāī | karihaum̐ raghupati kathā suhāī ||
vyāsa-ādi kabi puṅgava nānā | jinha sādara hari sujasa bakhānā ||
Bala Kanda
Chapter 14: Homage to poets, Valmiki, Vedas, Brahma
13 verses · 14 of 361
What happens in this chapter
Homage to poets, Valmiki, Vedas, Brahma
Heartened, Tulsidas bows to Vyasa and the great poets who sang Hari's glory, and to all who told it in the common tongue, past, present and future. He asks a boon: that the good honour his work, for writing the wise ignore is wasted labour. Good fame and speech help all, like the Ganga. Rama's glory in rough language seems a mismatch, but by their grace sackcloth stitched with silk looks fine. A string of dohas and sorathas follows. He prays for clear thought, then bows to Valmiki who made the Ramayana, to the four Vedas as ships across the sea of becoming, to Brahma who made both saints and the wicked, and to gods, Brahmins, the wise and the planets.
चरन-कमल बन्दउँ तिन्ह केरे । पुरवहुँ सकल मनोरथ मेरे ॥
कलि के कबिन्ह करउँ परनामा । जिन्ह बरने रघुपति-गुन-ग्रामा ॥
carana-kamala bandaum̐ tinha kere | puravahum̐ sakala manoratha mere ||
kali ke kabinha karaum̐ paranāmā | jinha barane raghupati-guna-grāmā ||
जे प्राकृत कबि परम सयाने । भाषाँ जिन्ह हरि चरित बखाने ॥
भये जे अहहिं जे होइहहिं आगें । प्रनवउँ सबहिँ कपट छल त्यागें ॥
je prākṛta kabi parama sayāne | bhāṣām̐ jinha hari carita bakhāne ||
bhaye je ahahiṃ je hoihahiṃ āgeṃ | pranavaum̐ sabahim̐ kapaṭa chala tyāgeṃ ||
होहु प्रसन्न देहु बरदानू । साधु-समाज भनिति सनमानू ॥
जो प्रबन्ध बुध नहिं आदरहीं । सो बम बादि बाल-कबि करहीं ॥
hohu prasanna dehu baradānū | sādhu-samāja bhaniti sanamānū ||
jo prabandha budha nahiṃ ādarahīṃ | so bama bādi bāla-kabi karahīṃ ||
कीरति भनिति भूति भलि सोई । सुरसरि सम सब कहँ हित होई ॥
राम-सुकीरति भनिति भदेसा । असमञ्जस अस हमहिँ अँदेसा ॥
kīrati bhaniti bhūti bhali soī | surasari sama saba kaham̐ hita hoī ||
rāma-sukīrati bhaniti bhadesā | asamañjasa asa hamahim̐ am̐desā ||
तुम्हरी कृपा सुलभ सोउ मोरे । सिअनि सुहावनि टाट पटोरे ॥
tumharī kṛpā sulabha sou more | siani suhāvani ṭāṭa paṭore ||
सरल कबित कीरति बिमल, सोइ आदरहिं सुजान ।
सहज बयर बिसराइ रिपु, जो सुनि करहिँ बखान ॥
sarala kabita kīrati bimala, soi ādarahiṃ sujāna |
sahaja bayara bisarāi ripu, jo suni karahim̐ bakhāna ||
सो न होइ बिनु बिमल मति, मोहि मति-बल अति थोर ।
करउ कृपा हरि-जस कहउँ, पुनि पुनि करउँ निहोर ॥
so na hoi binu bimala mati, mohi mati-bala ati thora |
karau kṛpā hari-jasa kahaum̐, puni puni karaum̐ nihora ||
कबि कोबिद रघुबर-चरित, मानस मञ्जु मराल ।
बाल-बिनय सुनि सुरुचि लखि, मो पर होहु कृपाल ॥
kabi kobida raghubara-carita, mānasa mañju marāla |
bāla-binaya suni suruci lakhi, mo para hohu kṛpāla ||
बन्दउँ मुनि-पद-कञ्जु, रामायन जेहिं निरमयउ ।
सखर सुकोमल मञ्जु, दोष-रहित दूषन-सहित ॥
bandaum̐ muni-pada-kañju, rāmāyana jehiṃ niramayau |
sakhara sukomala mañju, doṣa-rahita dūṣana-sahita ||
बन्दउँ चारिउ बेद, भव-बारिधि-बोहित सरिस ।
जिन्हहिं न सपनेहुँ खेद, बरनत रघुवर-बिसद-जस ॥
bandaum̐ cāriu beda, bhava-bāridhi-bohita sarisa |
jinhahiṃ na sapanehum̐ kheda, baranata raghuvara-bisada-jasa ||
बन्दउँ बिधि-पद-रेनु, भव-सागर जेहि कीन्ह जहँ ।
सन्त-सुधा-ससि-धेनु, प्रगटे खल-विष-बारुनी ॥
bandaum̐ bidhi-pada-renu, bhava-sāgara jehi kīnha jaham̐ |
santa-sudhā-sasi-dhenu, pragaṭe khala-viṣa-bārunī ||
बिबुध बिप्र बुध ग्रह चरन, बन्दि कहउँ कर जोरि ।
होइ प्रसन्न पुरवहु सकल, मञ्जु मनोरथ मोरि ॥
bibudha bipra budha graha carana, bandi kahaum̐ kara jori |
hoi prasanna puravahu sakala, mañju manoratha mori ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0