अध्याय 13: भक्तों के लिए निराकार प्रभु का देहधारण

सब जानत प्रभु प्रभुता सोई । तदपि कहें बिनु रहा न कोई ॥
तहाँ बेद अस कारन राखा । भजन प्रभाउ भाँति बहु भाखा ॥

saba jānata prabhu prabhutā soī | tadapi kaheṃ binu rahā na koī ||
tahām̐ beda asa kārana rākhā | bhajana prabhāu bhām̐ti bahu bhākhā ||

एक अनीह अरूप अनामा । अज सच्चिदानन्द पर धामा ॥
व्यापक बिस्व-रूप भगवाना । तेहिं धरि देह चरित कृत नाना ॥

eka anīha arūpa anāmā | aja saccidānanda para dhāmā ||
vyāpaka bisva-rūpa bhagavānā | tehiṃ dhari deha carita kṛta nānā ||

सो केवल भगतन हित लागी । परम कृपाल प्रनत-अनुरागी ॥
जेहि जन पर ममता अति छोहू । जेहिं करुना करि कीन्ह न कोहू ॥

so kevala bhagatana hita lāgī | parama kṛpāla pranata-anurāgī ||
jehi jana para mamatā ati chohū | jehiṃ karunā kari kīnha na kohū ||

गई बहोर गरीब-नेवाजू । सरल सबल साहिब रघुराजू ॥
बुध बरनहिँ हरि जस अस जानी । करहिं पुनीत सुफल निज-बानी ॥

gaī bahora garība-nevājū | sarala sabala sāhiba raghurājū ||
budha baranahim̐ hari jasa asa jānī | karahiṃ punīta suphala nija-bānī ||

तेहिं बल मैं रघुपति गुन-गाथा । कहिहउँ नाइ राम-पद माथा ॥
मुनिन्ह प्रथम हरि-कीरति गाई । तेहिं मग चलत सुगम मोहि भाई ॥

tehiṃ bala maiṃ raghupati guna-gāthā | kahihaum̐ nāi rāma-pada māthā ||
muninha prathama hari-kīrati gāī | tehiṃ maga calata sugama mohi bhāī ||