अध्याय 133: स्वयंवर में कुरूप मुख

कुपथ माँग रुज व्याकुल रोगी । बैद न देइ सुनहु मुनि जोगी ॥
एहि बिधि हित तुम्हार मैँ ठयऊ । कहि अस अन्तरहित प्रभु भयऊ ॥

kupatha mām̐ga ruja vyākula rogī | baida na dei sunahu muni jogī ||
ehi bidhi hita tumhāra maim̐ ṭhayaū | kahi asa antarahita prabhu bhayaū ||

माया बिबस भये मुनि मूढ़ा । समुझी नहिँ हरि गिरा निगूढ़ा ॥
गवने तुरत तहाँ रिषिराई । जहाँ स्वयम्बर-भूमि बनाई ॥

māyā bibasa bhaye muni mūr̤hā | samujhī nahim̐ hari girā nigūr̤hā ||
gavane turata tahām̐ riṣirāī | jahām̐ svayambara-bhūmi banāī ||

निज निज आसन बैठे राजा । बहु बनाव करि सहित समाजा ॥
मुनि मन हरष रूप अति मोरें । मोहि तजि आनहिँ बारिहि न भोरें ॥

nija nija āsana baiṭhe rājā | bahu banāva kari sahita samājā ||
muni mana haraṣa rūpa ati moreṃ | mohi taji ānahim̐ bārihi na bhoreṃ ||

मुनि हित कारन कृपानिधाना । दीन्ह कुरूप न जाइ बखाना ॥
सो चरित्र लखि काहु न पावा । नारद जानि सबहिँ सिर नावा ॥

muni hita kārana kṛpānidhānā | dīnha kurūpa na jāi bakhānā ||
so caritra lakhi kāhu na pāvā | nārada jāni sabahim̐ sira nāvā ||