अध्याय 132: हरि से सुन्दरता की याचना

हरि सन माँगउँ सुन्दरताई । होइहि जात गहरु अति भाई ॥
मोरें हित हरि सम नहिँ कोऊ । एहि अवसर सहाय सोइ होऊ ॥

hari sana mām̐gaum̐ sundaratāī | hoihi jāta gaharu ati bhāī ||
moreṃ hita hari sama nahim̐ koū | ehi avasara sahāya soi hoū ||

बहु बिधि बिनय कीन्ह तेहि काला । प्रगटेउ प्रभु कौतुकी कृपाला ॥
प्रभु बिलोकि मुनि नयन जुड़ाने । होइहि काज हिये हरषाने ॥

bahu bidhi binaya kīnha tehi kālā | pragaṭeu prabhu kautukī kṛpālā ||
prabhu biloki muni nayana jur̤āne | hoihi kāja hiye haraṣāne ||

अति आरति कहि कथा सुनाई । करहु कृपा करि होहु सहाई ॥
आपन रूप देहु प्रभु मोही । आन भाँति नहिँ पावउँ ओही ॥

ati ārati kahi kathā sunāī | karahu kṛpā kari hohu sahāī ||
āpana rūpa dehu prabhu mohī | āna bhām̐ti nahim̐ pāvaum̐ ohī ||

जेहि बिधि नाथ होइ हित मोरा । करहु से बेगि दास मैँ तोरा ॥
निज-माया बल देखि बिसाला । हियँ हँसि बोले दीनदयाला ॥

jehi bidhi nātha hoi hita morā | karahu se begi dāsa maim̐ torā ||
nija-māyā bala dekhi bisālā | hiyam̐ ham̐si bole dīnadayālā ||