अध्याय 126: नारद के आगे कामदेव की हार

तेहि आश्रमहिं मदन जब गयऊ । निज मायाँ बसन्त निरमयऊ ॥
कुसुमित बिबिध बिटप बहु रङ्गा । कूजहिँ कोकिल गुञ्जहिँ भृङ्गा ॥

tehi āśramahiṃ madana jaba gayaū | nija māyām̐ basanta niramayaū ||
kusumita bibidha biṭapa bahu raṅgā | kūjahim̐ kokila guñjahim̐ bhṛṅgā ||

चली सुहावनि त्रिबिध बयारी । काम-कृसानु बढ़ावनि हारी ॥
रम्भादिक सुर-नारि नबीना । सकल असमसर-कला-प्रबीना ॥

calī suhāvani tribidha bayārī | kāma-kṛsānu bar̤hāvani hārī ||
rambhādika sura-nāri nabīnā | sakala asamasara-kalā-prabīnā ||

करहिँ गान बहु तान तरङ्गा । बहु बिधि क्रीड़हिँ पानि-पतङ्गा ॥
देखि सहाय मदन हरषाना । कीन्हेसि पुनि प्रपञ्च विधि नाना ॥

karahim̐ gāna bahu tāna taraṅgā | bahu bidhi krīr̤ahim̐ pāni-pataṅgā ||
dekhi sahāya madana haraṣānā | kīnhesi puni prapañca vidhi nānā ||

काम-कला कछु मुनिहिँ न ब्यापी । निज-भयं डरेउ मनोभव पापी ॥
सीम कि चाँपि सकइ कोउ तासु । बड़ रखवार रमापति जासू ॥

kāma-kalā kachu munihim̐ na byāpī | nija-bhayaṃ ḍareu manobhava pāpī ||
sīma ki cām̐pi sakai kou tāsu | bar̤a rakhavāra ramāpati jāsū ||