अध्याय 117: भ्रम देखने वाले में, राम में नहीं

निज भ्रम नहिँ समुझहिँ अज्ञानी । प्रभु पर मोह धरहिँ जड़ प्रानी ॥
जथा गगन घन पटल निहारी । झाँपेउ भानु कहहिँ कुबिचारी ॥

nija bhrama nahim̐ samujhahim̐ ajñānī | prabhu para moha dharahim̐ jar̤a prānī ||
jathā gagana ghana paṭala nihārī | jhām̐peu bhānu kahahim̐ kubicārī ||

चितव जो लोचन अङ्गुलि लाये । प्रगट जुगल ससि तेहि के भाये ॥
उमा राम-बिषइक अस मोहा । नभ तम-धूम-धूरि जिमि सोहा ॥

citava jo locana aṅguli lāye | pragaṭa jugala sasi tehi ke bhāye ||
umā rāma-biṣaika asa mohā | nabha tama-dhūma-dhūri jimi sohā ||

विषय करन सुर जीव समेता । सकल एक तेँ एक सचेता ॥
सब कर परम-प्रकासक जोई । राम अनादि अवधपति सोई ॥

viṣaya karana sura jīva sametā | sakala eka tem̐ eka sacetā ||
saba kara parama-prakāsaka joī | rāma anādi avadhapati soī ||

जगत प्रकास्य प्रकासक रामू । मायाधीस ज्ञान-गुन-धामू ॥
जासु सत्यता तेँ जड़ माया । भास सत्य इव मोह सहाया ॥

jagata prakāsya prakāsaka rāmū | māyādhīsa jñāna-guna-dhāmū ||
jāsu satyatā tem̐ jar̤a māyā | bhāsa satya iva moha sahāyā ||