अध्याय 116: सगुण और निर्गुण में भेद नहीं

सगुनहिँ अगुनहिँ नहिँ कछु भेदा । गावहिँ मुनि पुरान बुध वेदा ॥
अगुन अरूप अलख अज जोई । भगत-प्रेम-बस सगुन सो होई ॥

sagunahim̐ agunahim̐ nahim̐ kachu bhedā | gāvahim̐ muni purāna budha vedā ||
aguna arūpa alakha aja joī | bhagata-prema-basa saguna so hoī ||

जो गुन रहित सगुन सोइ कैसें । जल-हिम-उपल बिलग नहिँ जैसें ॥
जासु नाम भ्रम-तिमिर-पतङ्गा । तेहि किमि कहिय बिमोह प्रसङ्गा ॥

jo guna rahita saguna soi kaiseṃ | jala-hima-upala bilaga nahim̐ jaiseṃ ||
jāsu nāma bhrama-timira-pataṅgā | tehi kimi kahiya bimoha prasaṅgā ||

राम सच्चिदानन्द दिनेसा । नहिँ तहँ मोह-निसा-लवलेसा ॥
सहज प्रकास-रूप भगवाना । नहिँ तहँ पुनि बिज्ञान बिहाना ॥

rāma saccidānanda dinesā | nahim̐ taham̐ moha-nisā-lavalesā ||
sahaja prakāsa-rūpa bhagavānā | nahim̐ taham̐ puni bijñāna bihānā ||

हरष बिषाद ज्ञान अज्ञाना । जीव-धरम अहमिति अभिमाना ॥
राम ब्रह्म ब्यापक जग जाना । परमानन्द परेस पुराना ॥

haraṣa biṣāda jñāna ajñānā | jīva-dharama ahamiti abhimānā ||
rāma brahma byāpaka jaga jānā | paramānanda paresa purānā ||