अध्याय 115: वेदविरुद्ध बोलने वालों की दशा

अज्ञ अकोबिद अन्ध अभागी । काई बिषय मुकुर-मन लागी ॥
लम्पट कपटी कुटिल बिसेखी । सपनेहुँ सन्त-सभा नहिँ देखी ॥

ajña akobida andha abhāgī | kāī biṣaya mukura-mana lāgī ||
lampaṭa kapaṭī kuṭila bisekhī | sapanehum̐ santa-sabhā nahim̐ dekhī ||

कहहिँ ते बेद असंमत बानी । जिन्हहिँ कें सूझ लाभ नहिँ हानी ॥
मुकुर मलिन अरु नयन बिहीना । राम-रूप देखहिँ किमि दीना ॥

kahahim̐ te beda asaṃmata bānī | jinhahim̐ keṃ sūjha lābha nahim̐ hānī ||
mukura malina aru nayana bihīnā | rāma-rūpa dekhahim̐ kimi dīnā ||

जिन्ह कें अगुन न सगुन बिबेका । जल्पहिँ कल्पित बचन अनेका ॥
हरि-माया-बस जगत भ्रमाहीँ । तिन्हहिँ कहत कछु अघटित नाहीँ ॥

jinha keṃ aguna na saguna bibekā | jalpahim̐ kalpita bacana anekā ||
hari-māyā-basa jagata bhramāhīm̐ | tinhahim̐ kahata kachu aghaṭita nāhīm̐ ||

बातुल भूत-बिबस मतवारे । ते नहिँ बोलहिँ बचन बिचारे ॥
जिन्ह कृत महा-मोह-मद पाना । तिन्ह कर कहा करिय नहिँ काना ॥

bātula bhūta-bibasa matavāre | te nahim̐ bolahim̐ bacana bicāre ||
jinha kṛta mahā-moha-mada pānā | tinha kara kahā kariya nahim̐ kānā ||