अध्याय 110: सम्पूर्ण रामकथा की जिज्ञासा

जदपि जोषिता नहिँ अधिकारी । दासी मन क्रम बचन तुम्हारी ॥
गूढउ तत्व न साधु दुरावहिँ । आरत अधिकारी जहँ पावहिँ ॥

jadapi joṣitā nahim̐ adhikārī | dāsī mana krama bacana tumhārī ||
gūḍhau tatva na sādhu durāvahim̐ | ārata adhikārī jaham̐ pāvahim̐ ||

अति आरति पूछउँ सुरराया । रघुपति कथा कहहु करि दाया ॥
प्रथम सो कारन कहहु बिचारी । निर्गुन-ब्रह्म सगुन-बपु-धारी ॥

ati ārati pūchaum̐ surarāyā | raghupati kathā kahahu kari dāyā ||
prathama so kārana kahahu bicārī | nirguna-brahma saguna-bapu-dhārī ||

पुनि प्रभु कहहु राम अवतारा । बालचरित पुनि कहहु उदारा ॥
कहहु जथा जानकी बिबाहीं । राज तजा सो दूषन काहीं ॥

puni prabhu kahahu rāma avatārā | bālacarita puni kahahu udārā ||
kahahu jathā jānakī bibāhīṃ | rāja tajā so dūṣana kāhīṃ ||

बन बसि कीन्हे चरित अपारा । कहहु नाथ जिमि रावन मारा ॥
राज बैठि कीन्हीँ बहु लीला । सकल कहहु सङ्कर सुभ-सीला ॥

bana basi kīnhe carita apārā | kahahu nātha jimi rāvana mārā ||
rāja baiṭhi kīnhīm̐ bahu līlā | sakala kahahu saṅkara subha-sīlā ||