अध्याय 109: पार्वती का पिछले भ्रम का स्वीकार

जौँ अनीह व्यापक बिभु कोऊ । कहहु बुझाइ नाथ मोहि सोऊ ॥
अज्ञ जानि रिस उर जनि धरहू । जेहि विधि मोह मिटइ सोइ करहू ॥

jaum̐ anīha vyāpaka bibhu koū | kahahu bujhāi nātha mohi soū ||
ajña jāni risa ura jani dharahū | jehi vidhi moha miṭai soi karahū ||

मैँ बन दीख राम प्रभुताई । अति-भय-विकल न तुम्हहिँ सुनाई ॥
तदपि मलिन मन बोधु न आवा । सो फल भली भाँति हम पावा ॥

maim̐ bana dīkha rāma prabhutāī | ati-bhaya-vikala na tumhahim̐ sunāī ||
tadapi malina mana bodhu na āvā | so phala bhalī bhām̐ti hama pāvā ||

अजहूँ कछु संसय मन मोरे । करहु कृपा बिनवउँ कर जोरें ॥
प्रभु तब मोहि बहु भाँति प्रबोधा । नाथ सो समुझि करहु जनि क्रोधा ॥

ajahūm̐ kachu saṃsaya mana more | karahu kṛpā binavaum̐ kara joreṃ ||
prabhu taba mohi bahu bhām̐ti prabodhā | nātha so samujhi karahu jani krodhā ||

तब कर अस बिमोह अब नाहीँ । राम-कथा पर रुचि मन माहीँ ॥
कहहु पुनीत राम-गुन-गाथा । भुजगराज-भूषन सुर-नाथा ॥

taba kara asa bimoha aba nāhīm̐ | rāma-kathā para ruci mana māhīm̐ ||
kahahu punīta rāma-guna-gāthā | bhujagarāja-bhūṣana sura-nāthā ||