अध्याय 108: पार्वती का संशय, राजकुमार या ब्रह्म

जौँ मो पर प्रसन्न सुखरासी । जानिय सत्य मोहि निज-दासी ॥
तौँ प्रभु हरहु मोर अग्याना । कहि रघुनाथ कथा बिधि नाना ॥

jaum̐ mo para prasanna sukharāsī | jāniya satya mohi nija-dāsī ||
taum̐ prabhu harahu mora agyānā | kahi raghunātha kathā bidhi nānā ||

जासु भवन सुरतरु तर होई । सहि कि दरिद्र-जनित-दुख सोई ॥
ससि-भूषन अस हृदयँ बिचारी । हरहु नाथ मम मति भ्रम भारी ॥

jāsu bhavana surataru tara hoī | sahi ki daridra-janita-dukha soī ||
sasi-bhūṣana asa hṛdayam̐ bicārī | harahu nātha mama mati bhrama bhārī ||

प्रभु जे मुनि परमारथबादी । कहहिँ राम कहँ ब्रह्म अनादी ॥
सेष सारदा बेद पुराना । सकल करहिँ रघुपति-गुन-गाना ॥

prabhu je muni paramārathabādī | kahahim̐ rāma kaham̐ brahma anādī ||
seṣa sāradā beda purānā | sakala karahim̐ raghupati-guna-gānā ||

तुम्ह पुनि राम राम दिन राती । सादर जपहु अनङ्ग-आराती ॥
राम सो अवध-नृपति-सुत सोई । की अज अगुन अलख-गति कोई ॥

tumha puni rāma rāma dina rātī | sādara japahu anaṅga-ārātī ||
rāma so avadha-nṛpati-suta soī | kī aja aguna alakha-gati koī ||