अध्याय 89: ग्रामवासियों का विस्मय और शिंशपा तले शय्या

राम-लखन-सिय रूप निहारी । कहहिँ सप्रेम ग्राम नर-नारी ॥
ते पितु मातु कहहु सखि कैसे । जिन्ह पठये बन बालक ऐसे ॥

rāma-lakhana-siya rūpa nihārī | kahahim̐ saprema grāma nara-nārī ||
te pitu mātu kahahu sakhi kaise | jinha paṭhaye bana bālaka aise ||

एक कहहिँ भल भूपति कीन्हा । लोचन लाहु हमहि बिधि दीन्हा ॥
तब निषाद-पति उर अनुमाना । तरु सिंसुपा मनोहर जाना ॥

eka kahahim̐ bhala bhūpati kīnhā | locana lāhu hamahi bidhi dīnhā ||
taba niṣāda-pati ura anumānā | taru siṃsupā manohara jānā ||

लेइ रघुनाथहि ठाउँ देखावा । कहेउ राम सब भाँति सुहावा ॥
पुरजन करि जोहार घर आये । रघुबर सन्ध्या करन सिधाये ॥

lei raghunāthahi ṭhāum̐ dekhāvā | kaheu rāma saba bhām̐ti suhāvā ||
purajana kari johāra ghara āye | raghubara sandhyā karana sidhāye ||

गुहँ सँवारि साँथरी डसाई । कुस-किसलयमय-मृदुल सुहाई ॥
सुचि फल मूल मधुर मृदु जानी । दोना अरि भरि राखेसि आनी ॥

guham̐ sam̐vāri sām̐tharī ḍasāī | kusa-kisalayamaya-mṛdula suhāī ||
suci phala mūla madhura mṛdu jānī | donā ari bhari rākhesi ānī ||