अध्याय 82: सीता के लिए दशरथ का सन्देश, सुमन्त्र चले

जौ नहिँ फिरहिँ धीर दोउ भाई । सत्यसन्ध दृढ़ब्रत रघुराई ॥
तौ तुम्ह बिनय करेहु कर जोरी । फेरिअ प्रभु मिथिलेस-किसोरी ॥

jau nahim̐ phirahim̐ dhīra dou bhāī | satyasandha dṛr̤habrata raghurāī ||
tau tumha binaya karehu kara jorī | pheria prabhu mithilesa-kisorī ||

जब सिय कानन देखि डेराई । कहेहु मोरि सिख अवसर पाई ॥
सासु ससुर अस कहेउ सँदेसू । पुत्रि फिरिअ बन बहुत कलेसू ॥

jaba siya kānana dekhi ḍerāī | kahehu mori sikha avasara pāī ||
sāsu sasura asa kaheu sam̐desū | putri phiria bana bahuta kalesū ||

पितु गृह कबहुँ कबहुँ ससुरारी । रहेहु जहाँ रुचि होइ तुम्हारी ॥
एहि बिधि करेहु उपाय कदम्बा । फिरइ त होइ प्रान अवलम्बा ॥

pitu gṛha kabahum̐ kabahum̐ sasurārī | rahehu jahām̐ ruci hoi tumhārī ||
ehi bidhi karehu upāya kadambā | phirai ta hoi prāna avalambā ||

नाहिँ त मोर मरन परिनामा । कछु न बसाइ भये विधि बामा ॥
अस कहि मुरुछि परा महि राऊ । राम लखन सिय आनि देखाऊ ॥

nāhim̐ ta mora marana parināmā | kachu na basāi bhaye vidhi bāmā ||
asa kahi muruchi parā mahi rāū | rāma lakhana siya āni dekhāū ||