अध्याय 81: श्रीराम का प्रस्थान, सुमन्त्र को आदेश

एहि बिधि राम सबहि समुझावा । गुरु-पद-पदुम हरषि सिरु नावा ॥
गनपति गौरि गिरीस मनाई । चले असीस पाइ रघुराई ॥

ehi bidhi rāma sabahi samujhāvā | guru-pada-paduma haraṣi siru nāvā ||
ganapati gauri girīsa manāī | cale asīsa pāi raghurāī ||

राम चलत अति भयउ बिषादू । सुनि न जाइ पुर आरत नादू ॥
कुसगुन लंक अवध अति सोकू । हहरष-बिषाद बिबस सुरलोकू ॥

rāma calata ati bhayau biṣādū | suni na jāi pura ārata nādū ||
kusaguna laṃka avadha ati sokū | haharaṣa-biṣāda bibasa suralokū ||

गइ मुरछा तब भूपति जागे । बोलि सुमन्त्र कहन अस लागे ॥
राम चले बन प्रान न जाहीँ । केहि सुख लागि रहत तन माहीं ॥

gai murachā taba bhūpati jāge | boli sumantra kahana asa lāge ||
rāma cale bana prāna na jāhīm̐ | kehi sukha lāgi rahata tana māhīṃ ||

एहि तें कवन व्यथा बलवाना । जो दुख पाइ तजहिँ तनु प्राना ॥
पुनि धरि धीर कहइ नरनाहू । लेइ रथ सङ्ग सखा तुम्ह जाहू ॥

ehi teṃ kavana vyathā balavānā | jo dukha pāi tajahim̐ tanu prānā ||
puni dhari dhīra kahai naranāhū | lei ratha saṅga sakhā tumha jāhū ||