अध्याय 78: राजा और स्त्रियाँ सीता को समझाते हैं

रायँ राम राखन हित लागी । बहुत उपाय किये छल त्यागी ॥
लखी राम रुख रहत न जाने । धरम धुरन्धर धीर सयाने ॥

rāyam̐ rāma rākhana hita lāgī | bahuta upāya kiye chala tyāgī ||
lakhī rāma rukha rahata na jāne | dharama dhurandhara dhīra sayāne ||

तब नप सीय लाइ उर लीन्ही । अति हित बहुत भाँति सिख दीन्ही ॥
कहि बन के दुख दुसह सुनाये । सासु ससुर पितु सुख समुझाये ॥

taba napa sīya lāi ura līnhī | ati hita bahuta bhām̐ti sikha dīnhī ||
kahi bana ke dukha dusaha sunāye | sāsu sasura pitu sukha samujhāye ||

सिय मन राम-चरन अनुरागा । घरु न सुगमु बनु बिषमु न लागा ॥
औरउ सबहिँ सीय समुझाई । कहि कहि बिपिन बिपति अधिकाई ॥

siya mana rāma-carana anurāgā | gharu na sugamu banu biṣamu na lāgā ||
aurau sabahim̐ sīya samujhāī | kahi kahi bipina bipati adhikāī ||

सचिव-नारि गुरु-नारि सयानी । सहित सनेह कहहिं मृदु बानी ॥
तुम्ह कहँ तो न दीन्ह बनबासू । करहु जो कहहिं ससुर-गुरु-सासू ॥

saciva-nāri guru-nāri sayānī | sahita saneha kahahiṃ mṛdu bānī ||
tumha kaham̐ to na dīnha banabāsū | karahu jo kahahiṃ sasura-guru-sāsū ||