अध्याय 77: श्रीराम पिता से आशीर्वाद माँगते हैं

सकइ न बोलि बिकल नरनाहू । सोक-जनित उर दारुन दाहू ॥
नाइ सीस पद अति अनुरागा । उठि रघुबीर बिदा तब माँगा ॥

sakai na boli bikala naranāhū | soka-janita ura dāruna dāhū ||
nāi sīsa pada ati anurāgā | uṭhi raghubīra bidā taba mām̐gā ||

पितु असीस आयसु मोहि दीजै । हरष समय बिसमउ कत कीजै ॥
तात किये प्रिय प्रेम प्रमादू । जस जग जाइ होइ अपवादू ॥

pitu asīsa āyasu mohi dījai | haraṣa samaya bisamau kata kījai ||
tāta kiye priya prema pramādū | jasa jaga jāi hoi apavādū ||

सुनि सनेह-बस उठि नरनाहाँ । बैठारे रघुपति गहि बाहाँ ॥
सुनहु तात तुम्ह कहँ मुनि कहहीं । राम चराचर-नायक अहहीं ॥

suni saneha-basa uṭhi naranāhām̐ | baiṭhāre raghupati gahi bāhām̐ ||
sunahu tāta tumha kaham̐ muni kahahīṃ | rāma carācara-nāyaka ahahīṃ ||

सुभ अरु असुभ करम अनुहारी । ईस देइ फल हृदय बिचारी ॥
करइ जो करम पान फल सोई । निगम नीति असि कह सब कोई ॥

subha aru asubha karama anuhārī | īsa dei phala hṛdaya bicārī ||
karai jo karama pāna phala soī | nigama nīti asi kaha saba koī ||