अध्याय 79: कैकेयी ने मुनि वस्त्र ला रखे

सीय सकुच बस उतर न देई । सो सुनि तमकि उठी कैकेई ॥
मुनि-पट-भूषन-भाजन आनी । आगें धरि बोली मृदु बानी ॥

sīya sakuca basa utara na deī | so suni tamaki uṭhī kaikeī ||
muni-paṭa-bhūṣana-bhājana ānī | āgeṃ dhari bolī mṛdu bānī ||

नृपहि प्रान प्रिय तुम्ह रघुबीरा । सील सनेह न छाडिहि भीरा ॥
सुकृत सुजस परलोक नसाऊ । तुम्हहिँ जान बन कहिहि न काऊ ॥

nṛpahi prāna priya tumha raghubīrā | sīla saneha na chāḍihi bhīrā ||
sukṛta sujasa paraloka nasāū | tumhahim̐ jāna bana kahihi na kāū ||

अस बिचारि सोइ करहु जो भावा । राम जननि सिख सुनि सुख पावा ॥
भूपहि बचन बान सम लागे । करहिं न प्रान पयान अभागे ॥

asa bicāri soi karahu jo bhāvā | rāma janani sikha suni sukha pāvā ||
bhūpahi bacana bāna sama lāge | karahiṃ na prāna payāna abhāge ||

लोग बिकल मुरछित नरनाहू । काह करिअ कछु सूझ न काहू ॥
राम तुरत मुनि-बेष बनाई । चले जनक जननिहि सिर नाई ॥

loga bikala murachita naranāhū | kāha karia kachu sūjha na kāhū ||
rāma turata muni-beṣa banāī | cale janaka jananihi sira nāī ||