अध्याय 74: सुमित्रा: जहाँ राम, वहीं अवध

धीरज धरेउ कुअवसर जानी । सहज सुहृद बोली मृदु आनी ॥
तात तुम्हारि मातु बैदेही । पिता-राम सब भाँति सनेही ॥

dhīraja dhareu kuavasara jānī | sahaja suhṛda bolī mṛdu ānī ||
tāta tumhāri mātu baidehī | pitā-rāma saba bhām̐ti sanehī ||

अवध तहाँ जहँ राम-निवासू । तहँइँ दिवस जहँ भानु-प्रकासू ॥
जौँ पै सीय राम बन जाहीँ । अवध तुम्हार काज कछु नाहीं ॥

avadha tahām̐ jaham̐ rāma-nivāsū | taham̐im̐ divasa jaham̐ bhānu-prakāsū ||
jaum̐ pai sīya rāma bana jāhīm̐ | avadha tumhāra kāja kachu nāhīṃ ||

गुरु पितु मातु बन्धु सुर साँई । सेइअहिं सकल प्रान की नाँई ॥
राम प्रान-प्रिय-जीवन जी के । स्वारथ रहित सखा सबही के ॥

guru pitu mātu bandhu sura sām̐ī | seiahiṃ sakala prāna kī nām̐ī ||
rāma prāna-priya-jīvana jī ke | svāratha rahita sakhā sabahī ke ||

पूजनीय प्रिय, परम जहाँ तेँ । सब मानिअहिं राम के नातें ॥
अस जियँ जानि सङ्ग बन जाहू । लेहु तात जग जीवन लाहू ॥

pūjanīya priya, parama jahām̐ tem̐ | saba māniahiṃ rāma ke nāteṃ ||
asa jiyam̐ jāni saṅga bana jāhū | lehu tāta jaga jīvana lāhū ||