अध्याय 73: लक्ष्मण सुमित्रा से विदा लेने गए

माँगहु बिदा मातु सन जाई । आवहु बेगि चलहु बन भाई ॥
मुदित भये सुनि रघुबर बानी । भयउ लाभ बड़ गइ बड़ि हानी ॥

mām̐gahu bidā mātu sana jāī | āvahu begi calahu bana bhāī ||
mudita bhaye suni raghubara bānī | bhayau lābha bar̤a gai bar̤i hānī ||

हरषित बदन मातु पहिँ आये । मनहुँ अन्ध फिरि लोचन पाये ॥
जाइ जननि-पग नायउ माथा । मन रघुनन्दन जानकि साथा ॥

haraṣita badana mātu pahim̐ āye | manahum̐ andha phiri locana pāye ||
jāi janani-paga nāyau māthā | mana raghunandana jānaki sāthā ||

पूछे मातु मलिन मन देखी । लखन कही सब कथा बिसेखी ॥
गई सहमि सुनि बचन कठोरा । मृगी देखि दव जनु चहुँ ओरा ॥

pūche mātu malina mana dekhī | lakhana kahī saba kathā bisekhī ||
gaī sahami suni bacana kaṭhorā | mṛgī dekhi dava janu cahum̐ orā ||

लखन लखेउ भा अनरथ आजू । एहिं सनेह बस करब अकाजू ॥
माँगत बिदा सभय सकुचाहीँ । जाइ संग बिधि कहिहि कि नाहीं ॥

lakhana lakheu bhā anaratha ājū | ehiṃ saneha basa karaba akājū ||
mām̐gata bidā sabhaya sakucāhīm̐ | jāi saṃga bidhi kahihi ki nāhīṃ ||