अध्याय 72: लक्ष्मण की विनती: मेरे सब कुछ आप

दीन्हि मोहि सिख नीकि गोसाईं । लागि अगम अपनी कदराईं ॥
नर बर धीर धरम-धुर-धारी । निगम नीति कहँ ते अधिकारी ॥

dīnhi mohi sikha nīki gosāīṃ | lāgi agama apanī kadarāīṃ ||
nara bara dhīra dharama-dhura-dhārī | nigama nīti kaham̐ te adhikārī ||

मैं सिसु प्रभु सनेहँ प्रतिपाला । मन्दर मेरु कि लेहिँ मराला ॥
गुरु पितु मातु न जानउँ काहू । कहउँ सुभाउ नाथ पतिआहू ॥

maiṃ sisu prabhu saneham̐ pratipālā | mandara meru ki lehim̐ marālā ||
guru pitu mātu na jānaum̐ kāhū | kahaum̐ subhāu nātha patiāhū ||

जहँ लगि जगत सनेह सगाई । प्रीति प्रतीति निगम निपुनाई ॥
मोरें सबइ एक तुम्ह स्वामी । दीनबन्धु उर अन्तरजामी ॥

jaham̐ lagi jagata saneha sagāī | prīti pratīti nigama nipunāī ||
moreṃ sabai eka tumha svāmī | dīnabandhu ura antarajāmī ||

धरम नीति उपदेसिअ ताही । कीरति-भूति-सुगति प्रिय जाही ॥
मन क्रम बचन चरन-रत होई । कृपासिन्धु परिहरिअ कि सोई ॥

dharama nīti upadesia tāhī | kīrati-bhūti-sugati priya jāhī ||
mana krama bacana carana-rata hoī | kṛpāsindhu pariharia ki soī ||