माँगहु बिदा मातु सन जाई । आवहु बेगि चलहु बन भाई ॥
मुदित भये सुनि रघुबर बानी । भयउ लाभ बड़ गइ बड़ि हानी ॥
mām̐gahu bidā mātu sana jāī | āvahu begi calahu bana bhāī ||
mudita bhaye suni raghubara bānī | bhayau lābha bar̤a gai bar̤i hānī ||
Ayodhya Kanda
Chapter 73: Lakshmana goes to Sumitra for leave
5 verses · 73 of 326
What happens in this chapter
Lakshmana goes to Sumitra for leave
Shri Rama tells him: go and take leave of your mother, then come quickly and walk with me to the forest. Lakshmana rejoices; a great gain has come and a great loss has gone. With a glowing face he goes to his mother, like a blind man who has regained his sight, and bows at her feet, his mind with Rama and Janaki. Seeing him troubled, she asks, and he tells her everything. Hearing the harsh news she shrinks like a doe that sees fire on every side. Lakshmana fears she may hold him back. Sumitra thinks of the beauty and gentle nature of Rama and Sita, sees the king's love, and beats her head: the sinful woman has played a foul throw.
हरषित बदन मातु पहिँ आये । मनहुँ अन्ध फिरि लोचन पाये ॥
जाइ जननि-पग नायउ माथा । मन रघुनन्दन जानकि साथा ॥
haraṣita badana mātu pahim̐ āye | manahum̐ andha phiri locana pāye ||
jāi janani-paga nāyau māthā | mana raghunandana jānaki sāthā ||
पूछे मातु मलिन मन देखी । लखन कही सब कथा बिसेखी ॥
गई सहमि सुनि बचन कठोरा । मृगी देखि दव जनु चहुँ ओरा ॥
pūche mātu malina mana dekhī | lakhana kahī saba kathā bisekhī ||
gaī sahami suni bacana kaṭhorā | mṛgī dekhi dava janu cahum̐ orā ||
लखन लखेउ भा अनरथ आजू । एहिं सनेह बस करब अकाजू ॥
माँगत बिदा सभय सकुचाहीँ । जाइ संग बिधि कहिहि कि नाहीं ॥
lakhana lakheu bhā anaratha ājū | ehiṃ saneha basa karaba akājū ||
mām̐gata bidā sabhaya sakucāhīm̐ | jāi saṃga bidhi kahihi ki nāhīṃ ||
समुझि सुमित्राँ राम सिय, रूप-सुसील-सुभाउ ।
नप सनेह लखि धुनेउ सिर, पापिनि दीन्ह कुदाउ ॥
samujhi sumitrām̐ rāma siya, rūpa-susīla-subhāu |
napa saneha lakhi dhuneu sira, pāpini dīnha kudāu ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0