अध्याय 69: कौसल्या का सीता को आशीर्वाद

लखि सनेह कातरि महतारी । बचन न पाव विकल भइ भारी ॥
राम प्रबोधु कीन्ह बिधि नाना । समउ सनेह न जाइ बखाना ॥

lakhi saneha kātari mahatārī | bacana na pāva vikala bhai bhārī ||
rāma prabodhu kīnha bidhi nānā | samau saneha na jāi bakhānā ||

तब जानकी सासु पग लागी । सुनिय माय मैं परम अभागी ॥
सेवा समय दैव बन दीन्हा । मोर मनोरथ सफल न कीन्हा ॥

taba jānakī sāsu paga lāgī | suniya māya maiṃ parama abhāgī ||
sevā samaya daiva bana dīnhā | mora manoratha saphala na kīnhā ||

तजब छोभ जनि छाड़िअ छोहू । करम कठिन कछु दोष न मोहू ॥
सुनि सिय बचन सासु अकुलानी । दसा कवनि बिधि कहउँ बखानी ॥

tajaba chobha jani chār̤ia chohū | karama kaṭhina kachu doṣa na mohū ||
suni siya bacana sāsu akulānī | dasā kavani bidhi kahaum̐ bakhānī ||

बारहिं बार लाइ उर लीन्ही । धरि धीरज सिख आसिष दीन्ही ॥
अचल होउ अहिवात तुम्हारा । जब लगि गङ्ग-जमुन-जल धारा ॥

bārahiṃ bāra lāi ura līnhī | dhari dhīraja sikha āsiṣa dīnhī ||
acala hou ahivāta tumhārā | jaba lagi gaṅga-jamuna-jala dhārā ||