अध्याय 68: श्रीराम की स्वीकृति, कौसल्या की विदाई

अस कहि सीय बिकल भइ भारी । बचन बियोग न सकी सँभारी ॥
देखि दसा रघुपति जियँ जाना । हठि राखें नहिँ राखिहि प्राना ॥

asa kahi sīya bikala bhai bhārī | bacana biyoga na sakī sam̐bhārī ||
dekhi dasā raghupati jiyam̐ jānā | haṭhi rākheṃ nahim̐ rākhihi prānā ||

कहेउ कृपाल भानुकुल नाथा । परिहरि सोच चलहु बन साथा ॥
नहिँ बिषाद कर अवसर आजू । बेगि करहु बन-गवन समाजू ॥

kaheu kṛpāla bhānukula nāthā | parihari soca calahu bana sāthā ||
nahim̐ biṣāda kara avasara ājū | begi karahu bana-gavana samājū ||

कहि प्रिय-बचन प्रिया समुझाई । लगे मातु-पद आसिष पाई ॥
बेगि प्रजा-दुख मेटब आई । जननी निठुर बिसरि जनि जाई ॥

kahi priya-bacana priyā samujhāī | lage mātu-pada āsiṣa pāī ||
begi prajā-dukha meṭaba āī | jananī niṭhura bisari jani jāī ||

फिरहि दसा बिधि बहुरि कि मोरी । देखिहउँ नयन मनोहर जोरी ॥
सुदिन सुघरी तात का होइहि । जननी जिअत बदन-बिधु जोइहि ॥

phirahi dasā bidhi bahuri ki morī | dekhihaum̐ nayana manohara jorī ||
sudina sugharī tāta kā hoihi | jananī jiata badana-bidhu joihi ||