अध्याय 67: मार्ग में सेवा का सीता का संकल्प

मोहि मग चलत न होइहि हारी । छिनु छिनु चरन-सरोज निहारी ॥
सबहि भाँति पिय सेवा करिहौं । मारग-जनित सकल श्रम हरिहौं ॥

mohi maga calata na hoihi hārī | chinu chinu carana-saroja nihārī ||
sabahi bhām̐ti piya sevā karihauṃ | māraga-janita sakala śrama harihauṃ ||

पाय पखारि बैठि तरु छाहीं । करिहउँ बाउ मुदित मन माहीं ॥
श्रम कन सहित स्याम-तनु देखें । कहँ दुख समउ प्रानपति पेखें ॥

pāya pakhāri baiṭhi taru chāhīṃ | karihaum̐ bāu mudita mana māhīṃ ||
śrama kana sahita syāma-tanu dekheṃ | kaham̐ dukha samau prānapati pekheṃ ||

सम महि तन तरु पल्लव डासी । पाय पलोटिहि सब निसि दासी ॥
बार बार मृदु मूरति जोही । लागिहि तात बयारि न मोही ॥

sama mahi tana taru pallava ḍāsī | pāya paloṭihi saba nisi dāsī ||
bāra bāra mṛdu mūrati johī | lāgihi tāta bayāri na mohī ||

को प्रभु सँग मोहि चितवनिहारा । सिंघ बधुहि जिमि ससक सिआरा ॥
मैं सुकुमारि नाथ बन जोगू । तुम्हहिं उचित तप मो कहँ भोगू ॥

ko prabhu sam̐ga mohi citavanihārā | siṃgha badhuhi jimi sasaka siārā ||
maiṃ sukumāri nātha bana jogū | tumhahiṃ ucita tapa mo kaham̐ bhogū ||