अध्याय 65: स्वामी बिना सब कुछ शोक

मातु पिता भगिनी प्रिय भाई । प्रिय परिवार सुह्रद समुदाई ॥
सासु ससुर गुरु सजन सहाई । सुत सुन्दर सुसील सुखदाई ॥

mātu pitā bhaginī priya bhāī | priya parivāra suhrada samudāī ||
sāsu sasura guru sajana sahāī | suta sundara susīla sukhadāī ||

जहँ लगि नाथ नेह अरु नाते । पिय बिनु तियहि तरनिहु ते ताते ॥
तन धन धाम धरनि पुर राजू । पति बिहीन सब सोक समाजू ॥

jaham̐ lagi nātha neha aru nāte | piya binu tiyahi taranihu te tāte ||
tana dhana dhāma dharani pura rājū | pati bihīna saba soka samājū ||

भोग रोगसम भूषन भारू । जम-जातना सरिस संसारू ॥
प्राननाथ तुम्ह बिनु जग माहीँ । मो कहँ सुखद कतहुँ कछु नाहीं ॥

bhoga rogasama bhūṣana bhārū | jama-jātanā sarisa saṃsārū ||
prānanātha tumha binu jaga māhīm̐ | mo kaham̐ sukhada katahum̐ kachu nāhīṃ ||

जिय बिनु देह नदी बिनु बारी । तैसिअ नाथ पुरुष बिनु नारी ॥
नाथ सकल सुख साथ तुम्हारें । सरद-बिमल-बिधु-बदन निहारें ॥

jiya binu deha nadī binu bārī | taisia nātha puruṣa binu nārī ||
nātha sakala sukha sātha tumhāreṃ | sarada-bimala-bidhu-badana nihāreṃ ||