अध्याय 66: वन साथ चलने की सीता की विनती

बन-देवी बन देव उदारा । करिहहिँ सासु ससुर सम सारा ॥
कुस-किसलय-साथरी सुहाई । प्रभु सँग मज्जु मनोज तुराई ॥

bana-devī bana deva udārā | karihahim̐ sāsu sasura sama sārā ||
kusa-kisalaya-sātharī suhāī | prabhu sam̐ga majju manoja turāī ||

कन्द-मूल-फल अमिय अहारू । अवध-सौध सत सरिस पहारू ॥
छिन छिन प्रभु-पद-कमल बिलोकि । रहिहउँ मुदित दिवस जिमि कोकी ॥

kanda-mūla-phala amiya ahārū | avadha-saudha sata sarisa pahārū ||
china china prabhu-pada-kamala biloki | rahihaum̐ mudita divasa jimi kokī ||

बन-दुख नाथ कहे बहुतेरे । भय विषाद परिताप घनेरे ॥
प्रभु-बियोग लवलेस समाना । सब मिलि होहिं न कृपानिधाना ॥

bana-dukha nātha kahe bahutere | bhaya viṣāda paritāpa ghanere ||
prabhu-biyoga lavalesa samānā | saba mili hohiṃ na kṛpānidhānā ||

अस जियँ जानि सुजान-सिरोमनि । लेइअ सङ्ग मोहि छाडिअ जनि ॥
बिनती बहुत करउँ का स्वामी । करुना-मय उर-अन्तरजामी ॥

asa jiyam̐ jāni sujāna-siromani | leia saṅga mohi chāḍia jani ||
binatī bahuta karaum̐ kā svāmī | karunā-maya ura-antarajāmī ||