अध्याय 64: सीता का उत्तर: पति वियोग सबसे बड़ा दुःख

सुनि मृदु बचन मनोहर पिय के । लोचन ललित भरे जल सिय के ॥
सीतल-सिख दाहक भइ कैसे । चकइहि सरद-चन्द-निसि जैसे ॥

suni mṛdu bacana manohara piya ke | locana lalita bhare jala siya ke ||
sītala-sikha dāhaka bhai kaise | cakaihi sarada-canda-nisi jaise ||

उत्तर न आव बिकल बैदेही । तजन चहत सुचि स्वामि सनेही ॥
बरबस रोकि बिलोचन बारी । धरि धीरज उर अवनिकुमारी ॥

uttara na āva bikala baidehī | tajana cahata suci svāmi sanehī ||
barabasa roki bilocana bārī | dhari dhīraja ura avanikumārī ||

लागि सासु पग कह कर जोरी । छमबि देबि बड़ि अबिनय मोरी ॥
दीन्हि प्रानपति मोहि सिख सोई । जेहि बिधि मोर परम हित होई ॥

lāgi sāsu paga kaha kara jorī | chamabi debi bar̤i abinaya morī ||
dīnhi prānapati mohi sikha soī | jehi bidhi mora parama hita hoī ||

मैं पुनि समुझि दीख मन माहीं । पिय बियोग सम दुख जग नाहीं ॥

maiṃ puni samujhi dīkha mana māhīṃ | piya biyoga sama dukha jaga nāhīṃ ||