अध्याय 6: अभिषेक की सामग्री के लिए गुरु की आज्ञा

हरषि मुनीस कहेउ मृदु-बानी । आनहु सकल सुतीरथ पानी ॥
औषध मूल फूल फल पानी । कहे नाम गनि मङ्गल नाना ॥

haraṣi munīsa kaheu mṛdu-bānī | ānahu sakala sutīratha pānī ||
auṣadha mūla phūla phala pānī | kahe nāma gani maṅgala nānā ||

चामर चरम बसन बहु भाँती । रोम पाट पट अगनित जाती ॥
मनि-गन मङ्गल-बस्तु अनेका । जो जग जोग भूप अभिषेका ॥

cāmara carama basana bahu bhām̐tī | roma pāṭa paṭa aganita jātī ||
mani-gana maṅgala-bastu anekā | jo jaga joga bhūpa abhiṣekā ||

बेद-बिदित कहि सकल बिधाना । कहेउ रचहु पुर बिबिध-बिताना ॥
सफल रसाल पूगफल केरा । रोपहु बीथिन्ह पुर चहुँ फेरा ॥

beda-bidita kahi sakala bidhānā | kaheu racahu pura bibidha-bitānā ||
saphala rasāla pūgaphala kerā | ropahu bīthinha pura cahum̐ pherā ||

रचहु मज्जु मनि चौकें चारू । कहहु बनावन बेगि बजारू ॥
पूजहु गनपति-गुरु-कुलदेवा । सब विधि करहु भूमिसुर-सेवा ॥

racahu majju mani caukeṃ cārū | kahahu banāvana begi bajārū ||
pūjahu ganapati-guru-kuladevā | saba vidhi karahu bhūmisura-sevā ||