अध्याय 5: मंत्रियों ने राजा का निर्णय सराहा

मुदित महीपति मन्दिर आये । सेवक सचिव सुमन्त्र बोलाये ॥
कहि जयजीव सीस तिन्ह नाये । भूप सुमङ्गल बचन सुनाये ॥

mudita mahīpati mandira āye | sevaka saciva sumantra bolāye ||
kahi jayajīva sīsa tinha nāye | bhūpa sumaṅgala bacana sunāye ||

जौँ पाँचहि मत लागइ नीका । करहु हरषि हियँ रामहिँ टीका ॥
मंत्री मुदित सुनत प्रिय बानी । अभिमत बिरवँ परेउ जनु पानी ॥

jaum̐ pām̐cahi mata lāgai nīkā | karahu haraṣi hiyam̐ rāmahim̐ ṭīkā ||
maṃtrī mudita sunata priya bānī | abhimata biravam̐ pareu janu pānī ||

बिनती सचिव करहिँ कर जोरी । जिअहु जगतपति बरिस करोरी ॥
जग मङ्गल भल काज बिचारा । बेगिअ नाथ न लाइअ बारा ॥

binatī saciva karahim̐ kara jorī | jiahu jagatapati barisa karorī ||
jaga maṅgala bhala kāja bicārā | begia nātha na lāia bārā ||

नृपहि मोद सुनि सचिव सुभाखा । बढ़त बौंड़ जनु लही सुसाखा ॥

nṛpahi moda suni saciva subhākhā | bar̤hata bauṃr̤a janu lahī susākhā ||