अध्याय 58: सास के चरणों में सीता का मौन शोक

दीन्हि असीस सासु मृदु बानी । अति सुकुमारि देखि अकुलानी ॥
बैठि नमित मुख सोचति सीता । रूप-रासि पति-प्रेम पुनीता ॥

dīnhi asīsa sāsu mṛdu bānī | ati sukumāri dekhi akulānī ||
baiṭhi namita mukha socati sītā | rūpa-rāsi pati-prema punītā ||

चलन चहत बन जीवननाथू । केहि सुकृती सन होइहि साथू ॥
की तनु-प्रान कि केवल प्राना । बिधि करतब कछु जाइ न जाना ॥

calana cahata bana jīvananāthū | kehi sukṛtī sana hoihi sāthū ||
kī tanu-prāna ki kevala prānā | bidhi karataba kachu jāi na jānā ||

चारु चरन नख लेखति धरनी । नूपुर-मुखर मधुर कवि बरनी ॥
मनहुँ प्रेम-बस बिनती करहीँ । हमहि सीय-पद जनि परिहरहीं ॥

cāru carana nakha lekhati dharanī | nūpura-mukhara madhura kavi baranī ||
manahum̐ prema-basa binatī karahīm̐ | hamahi sīya-pada jani pariharahīṃ ||

मज्जु बिलोचन मोचति बारी । बोली देखि राम-महतारी ॥
तात सुनहु सिय अति सुकुमारी । सासु ससुर परिजनहि पियारी ॥

majju bilocana mocati bārī | bolī dekhi rāma-mahatārī ||
tāta sunahu siya ati sukumārī | sāsu sasura parijanahi piyārī ||