अध्याय 59: सीता को घर रखने की कौसल्या की विनती

मैं पुनि पुत्रवधू प्रिय पाई । रूप-रासि गुन-सील सुहाई ॥
नयन पुतरि करि प्रीति बढ़ाई । राखेउँ प्रान जानिकिहिं लाई ॥

maiṃ puni putravadhū priya pāī | rūpa-rāsi guna-sīla suhāī ||
nayana putari kari prīti bar̤hāī | rākheum̐ prāna jānikihiṃ lāī ||

कलपबेलि जिमि बहु बिधि लाली । सींचि सनेह-सलिल प्रतिपाली ॥
फूलत फलत भयउ विधि बामा । जानि न जाइ काह परिनामा ॥

kalapabeli jimi bahu bidhi lālī | sīṃci saneha-salila pratipālī ||
phūlata phalata bhayau vidhi bāmā | jāni na jāi kāha parināmā ||

पलँग-पीठ तजि गोद हिंड़ोरा । सियँ न दीन्ह पग अवनि कठोरा ॥
जिअनमूरि जिमि जोगवत रहऊँ । दीप-वाति नहिँ टारन कहऊँ ॥

palam̐ga-pīṭha taji goda hiṃr̤orā | siyam̐ na dīnha paga avani kaṭhorā ||
jianamūri jimi jogavata rahaūm̐ | dīpa-vāti nahim̐ ṭārana kahaūm̐ ||

सोइ सिय चलन चहति बन साथा । आयसु काह होइ रघुनाथा ॥
चन्द किरन रस रसिक चकोरी । रबि-रुख नयन सकइ किमि जोरी ॥

soi siya calana cahati bana sāthā | āyasu kāha hoi raghunāthā ||
canda kirana rasa rasika cakorī | rabi-rukha nayana sakai kimi jorī ||