अध्याय 41: श्रीराम की मुस्कान और वन की स्वीकृति

निधरक बैठि कहइ कटु बानी । सुनत कठिनता अति अकुलानी ॥
जीभ कमान बचन सर नाना । मनहुँ महिप मृदु लच्छ समाना ॥

nidharaka baiṭhi kahai kaṭu bānī | sunata kaṭhinatā ati akulānī ||
jībha kamāna bacana sara nānā | manahum̐ mahipa mṛdu laccha samānā ||

जनु कठोर-पन धरें सरीरू । सिखइ धनुष-विद्या बर बीरू ॥
सब प्रसङ्ग रघुपतिहि सुनाई । बैठि मनहुँ तनु धरि निठुराई ॥

janu kaṭhora-pana dhareṃ sarīrū | sikhai dhanuṣa-vidyā bara bīrū ||
saba prasaṅga raghupatihi sunāī | baiṭhi manahum̐ tanu dhari niṭhurāī ||

मन मुसकाइ भानुकुल-भानु । राम सहज आनन्द-निधानू ॥
बोले बचन बिगत सब दूषन । मृदु, मञ्जुल जनु बाग-विभूषन ॥

mana musakāi bhānukula-bhānu | rāma sahaja ānanda-nidhānū ||
bole bacana bigata saba dūṣana | mṛdu, mañjula janu bāga-vibhūṣana ||

सुनु जननी सोइ सुत बड़-भागी । जो पितु मातु बचन अनुरागी ॥
तनय मातु पितु तोषनिहारा । दुर्लभ जननि सकल संसारा ॥

sunu jananī soi suta bar̤a-bhāgī | jo pitu mātu bacana anurāgī ||
tanaya mātu pitu toṣanihārā | durlabha janani sakala saṃsārā ||