अध्याय 40: कैकेयी ने श्रीराम को दो वर बताए

सूखहिँ अधर जरहिं सब अङ्ग । मनहुँ दीन मनिहीन भुअंगू ॥
सरुष समीप दीख कैकेई । मानहुँ मीच घरी गनि लेई ॥

sūkhahim̐ adhara jarahiṃ saba aṅga | manahum̐ dīna manihīna bhuaṃgū ||
saruṣa samīpa dīkha kaikeī | mānahum̐ mīca gharī gani leī ||

करुनामय मृदु राम सुभाऊ । प्रथम दीख दुख सुना न काऊ ॥
तदपि धीर धरि समउ बिचारी । पूंछी मधुर बचन महतारी ॥

karunāmaya mṛdu rāma subhāū | prathama dīkha dukha sunā na kāū ||
tadapi dhīra dhari samau bicārī | pūṃchī madhura bacana mahatārī ||

मोहि कहु मातु तात दुख कारन । करिय जतन जेहिं होइ निवारन ॥
सुनहु राम सब कारन एहू । राजहि तुम पर बहुत सनेहू ॥

mohi kahu mātu tāta dukha kārana | kariya jatana jehiṃ hoi nivārana ||
sunahu rāma saba kārana ehū | rājahi tuma para bahuta sanehū ||

देन कहेन्हि मोहि दुइ बरदाना । मागेउँ जो कछु मोहि सोहाना ॥
सो सुनि भयउ भूप उर सोचू । छाड़ि न सकहिं तुम्हार सँकोचू ॥

dena kahenhi mohi dui baradānā | māgeum̐ jo kachu mohi sohānā ||
so suni bhayau bhūpa ura socū | chār̤i na sakahiṃ tumhāra sam̐kocū ||