अध्याय 34: कैकेयी का क्रोध, राजा का भूमि पर गिरना

अस कहि कुटिल भई उठि ठाढ़ी । मानहुँ रोष-तरङ्गिनि बाढ़ी ॥
पाप-पहार प्रगट भइ सोई । भरी क्रोध-जल जाइ न जोई ॥

asa kahi kuṭila bhaī uṭhi ṭhār̤hī | mānahum̐ roṣa-taraṅgini bār̤hī ||
pāpa-pahāra pragaṭa bhai soī | bharī krodha-jala jāi na joī ||

दोउ बर कूल कठिन हठ धारा । भँवर कूबरी-बचन-प्रचारा ॥
ढाहत सूप-रूप-तरु मूला । चली बिपति-बारिधि अनुकूला ॥

dou bara kūla kaṭhina haṭha dhārā | bham̐vara kūbarī-bacana-pracārā ||
ḍhāhata sūpa-rūpa-taru mūlā | calī bipati-bāridhi anukūlā ||

लखी नरेस बात सच साँची । तिय मिस मीच सीस पर नाची ॥
गहि पद विनय कीन्ह बैठारी । जनि दिनकर-कुल होसि कुठारी ॥

lakhī naresa bāta saca sām̐cī | tiya misa mīca sīsa para nācī ||
gahi pada vinaya kīnha baiṭhārī | jani dinakara-kula hosi kuṭhārī ||

माँगु माथ अबहीं देउँ तोही । राम-बिरहँ जनि मारसि मोही ॥
राखु राम कह जेहि तेहि भाँती । नाहिँ त जरिहि जनम भरि छाती ॥

mām̐gu mātha abahīṃ deum̐ tohī | rāma-biraham̐ jani mārasi mohī ||
rākhu rāma kaha jehi tehi bhām̐tī | nāhim̐ ta jarihi janama bhari chātī ||