अध्याय 326: भरत का आचरण और अयोध्याकाण्ड की पूर्णता

पुलक गात हियँ सिय रघुबीरू । जीह नाम जप लोचन-नीरू ॥
लखन राम सिय कानन बसहीं । भरतु भवन बसि तप तनु कसहीं ॥

pulaka gāta hiyam̐ siya raghubīrū | jīha nāma japa locana-nīrū ||
lakhana rāma siya kānana basahīṃ | bharatu bhavana basi tapa tanu kasahīṃ ||

दोउ दिसि समुझि कहत सबु लोगू । सब विधि भरत सराहन जोगू ॥
सुनि ब्रत नेम साधु सकुचाहीँ । देखि दसा मुनिराज लजाहीं ॥

dou disi samujhi kahata sabu logū | saba vidhi bharata sarāhana jogū ||
suni brata nema sādhu sakucāhīm̐ | dekhi dasā munirāja lajāhīṃ ||

परम पुनीत भरत आचरनू । मधुर मज्जु मुद मङ्गल करनू ॥
हरन कठिन कलि कलुष कलेसू । महा-माह-निसि दलन दिनेसू ॥

parama punīta bharata ācaranū | madhura majju muda maṅgala karanū ||
harana kaṭhina kali kaluṣa kalesū | mahā-māha-nisi dalana dinesū ||

पाप पुञ्ज कुञ्जर मृगराजू । समन सकल सन्ताप समाजू ॥
जन-रञ्जन भञ्जन भव-भारू । राम सनेह सुधाकर सारू ॥

pāpa puñja kuñjara mṛgarājū | samana sakala santāpa samājū ||
jana-rañjana bhañjana bhava-bhārū | rāma saneha sudhākara sārū ||