अध्याय 325: भरत की देह घटती, प्रेम बढ़ता

देह दिनहुँ दिन दूबरि होई । घटइ तेज बल मुख छबि लाई ॥
नित नव राम-प्रेम-पन पीना । बढ़त धरम-दल मन न मलीना ॥

deha dinahum̐ dina dūbari hoī | ghaṭai teja bala mukha chabi lāī ||
nita nava rāma-prema-pana pīnā | bar̤hata dharama-dala mana na malīnā ||

जिमि जल निघटत सरद प्रकासे । बिलसत बेतस बनज विकासे ॥
सम दम सञ्जम नियम उपासा । नखत भरत-हिय बिमल अकासा ॥

jimi jala nighaṭata sarada prakāse | bilasata betasa banaja vikāse ||
sama dama sañjama niyama upāsā | nakhata bharata-hiya bimala akāsā ||

ध्रुव बिस्वास अवधि राका सी । स्वामि-सुरति सुरबीथि बिकासी ॥
राम-पेम-बिधु अचल अदोखा । सहित समाज सोह नित चोखा ॥

dhruva bisvāsa avadhi rākā sī | svāmi-surati surabīthi bikāsī ||
rāma-pema-bidhu acala adokhā | sahita samāja soha nita cokhā ||

भरत रहनि समुझनि करतूती । भगति बिरति गुन बिमल बिभूती ॥
बरनत सकल सुकचि सकुचाहीं । सेस-गनेस-गिरा-गम नाहीँ ॥

bharata rahani samujhani karatūtī | bhagati birati guna bimala bibhūtī ||
baranata sakala sukaci sakucāhīṃ | sesa-ganesa-girā-gama nāhīm̐ ||