अध्याय 324: नन्दिग्राम में भरत का तपस्वी जीवन

राम-मातु गुरु-पद सिरु नाई । प्रभु-पद पीठ रजायसु पाई ॥
नंदिगावँ करि परन-कुटीरा । कीन्ह निवास धरम-धुर-धीरा ॥

rāma-mātu guru-pada siru nāī | prabhu-pada pīṭha rajāyasu pāī ||
naṃdigāvam̐ kari parana-kuṭīrā | kīnha nivāsa dharama-dhura-dhīrā ||

जटाजूट सिर मुनि-पद धारी । महि खनि कुस साँथरी सँवारी ॥
असन बसन बासन ब्रत नेमा । करत कठिन रिषि-धरम सप्रेमा ॥

jaṭājūṭa sira muni-pada dhārī | mahi khani kusa sām̐tharī sam̐vārī ||
asana basana bāsana brata nemā | karata kaṭhina riṣi-dharama sapremā ||

भूषन असन भोग सुख-भूरी । मन तन बचन तजे तिन तूरी ॥
अवध राजु सुर राजु सिहाई । दसरथ धनु सुनि धनद लजाई ॥

bhūṣana asana bhoga sukha-bhūrī | mana tana bacana taje tina tūrī ||
avadha rāju sura rāju sihāī | dasaratha dhanu suni dhanada lajāī ||

तेहिं पुर बसत भरत बिनु रागा । चंचरीक जिमि चम्पक-बागा ॥
रमा-बिलास राम-अनुरागी । तजत बमन जिमि जन बड़भागी ॥

tehiṃ pura basata bharata binu rāgā | caṃcarīka jimi campaka-bāgā ||
ramā-bilāsa rāma-anurāgī | tajata bamana jimi jana bar̤abhāgī ||