अध्याय 322: अवध वापसी और जनक का प्रस्थान

मुनि महिसुर गुरु भरत भुआलू । राम-बिरहँ सम साज बिहालू ॥
प्रभु गुन-ग्राम गनत मन माहीं । सब चुपचाप चले मग जाहीं ॥

muni mahisura guru bharata bhuālū | rāma-biraham̐ sama sāja bihālū ||
prabhu guna-grāma ganata mana māhīṃ | saba cupacāpa cale maga jāhīṃ ||

जमुना उतरि पार सब भयऊ । सो बासर बिनु भोजन गयऊ ॥
उतरि देवसरि दूसर बासू । राम-सखा सब कीन्ह सुपासू ॥

jamunā utari pāra saba bhayaū | so bāsara binu bhojana gayaū ||
utari devasari dūsara bāsū | rāma-sakhā saba kīnha supāsū ||

सई उतरि गोमतीं नहाये । चौथें दिवस अवधपुर आये ॥
जनक रहे पुर बासर बारी । राज काज सब साज संभारी ॥

saī utari gomatīṃ nahāye | cautheṃ divasa avadhapura āye ||
janaka rahe pura bāsara bārī | rāja kāja saba sāja saṃbhārī ||

सौंपि सचिव गुरु भरतहि राजू । तेरहुति चले साजि सबु साजू ॥
नगर नारि नर गुरु सिख मानी । बसे सुखेन राम-रजधानी ॥

sauṃpi saciva guru bharatahi rājū | terahuti cale sāji sabu sājū ||
nagara nāri nara guru sikha mānī | base sukhena rāma-rajadhānī ||