अध्याय 321: वटवृक्ष के नीचे श्रीराम भरत का गुणगान करते हैं

बिदा कीन्ह सनमानि निषादू । चलेउ हृदयँ बड़ बिरह बिषादू ॥
कोल किरात भिल्ल बनचारी । फेरे फिरे जोहारि जोहारी ॥

bidā kīnha sanamāni niṣādū | caleu hṛdayam̐ bar̤a biraha biṣādū ||
kola kirāta bhilla banacārī | phere phire johāri johārī ||

प्रभु सिय लखन बैठि बट छाहीं । प्रिय परिजन बियोग बिलखाहीं ॥
भरत सनेह सुभाउ सुबानी । प्रिया अनुज सन कहत बखानी ॥

prabhu siya lakhana baiṭhi baṭa chāhīṃ | priya parijana biyoga bilakhāhīṃ ||
bharata saneha subhāu subānī | priyā anuja sana kahata bakhānī ||

प्रीति प्रतीति बचन मन करनी । श्रीमुख राम प्रेम-बस बरनी ॥
तेहि अवसर खग मृग जल-लीला । चित्रकूट चर अचर मलीना ॥

prīti pratīti bacana mana karanī | śrīmukha rāma prema-basa baranī ||
tehi avasara khaga mṛga jala-līlā | citrakūṭa cara acara malīnā ||

बिबुध बिलोकि दसा रघुबर की । बरषि सुमन कहि गति घर घर की ॥
प्रभु प्रनामु करि दीन्ह भरोसो । चले मुदित मन डर न खरो सो ॥

bibudha biloki dasā raghubara kī | baraṣi sumana kahi gati ghara ghara kī ||
prabhu pranāmu kari dīnha bharoso | cale mudita mana ḍara na kharo so ||