अध्याय 319: श्रीराम जनक और माताओं को विदा करते हैं

सानुज राम नृपहि सिर नाई । कीन्हि बहुत बिधि बिनय बड़ाई ॥
देव दया-बस बड़ दुख पायउ । सहित समाज काननहिं आयउ ॥

sānuja rāma nṛpahi sira nāī | kīnhi bahuta bidhi binaya bar̤āī ||
deva dayā-basa bar̤a dukha pāyau | sahita samāja kānanahiṃ āyau ||

पुर पग धारिअ देइ असीसा । कीन्ह धीर धरि गवन महीसा ॥
मुनि महिदेव साधु सनमाने । बिदा किये हरि हर सम जाने ॥

pura paga dhāria dei asīsā | kīnha dhīra dhari gavana mahīsā ||
muni mahideva sādhu sanamāne | bidā kiye hari hara sama jāne ||

सासु समीप गये दोउ भाई । फिरे बन्दि पग आसिष पाई ॥
कौसिक बामदेव जाबाली । पुरजन परिजन सचिव सुचाली ॥

sāsu samīpa gaye dou bhāī | phire bandi paga āsiṣa pāī ||
kausika bāmadeva jābālī | purajana parijana saciva sucālī ||

जथा जोगु करि बिनय प्रनामा । बिदा किये सब सानुज रामा ॥
नारि-पुरुष लघु मध्य बड़ेरे । सब सनमानि कृपानिधि फेरे ॥

jathā jogu kari binaya pranāmā | bidā kiye saba sānuja rāmā ||
nāri-puruṣa laghu madhya bar̤ere | saba sanamāni kṛpānidhi phere ||