अध्याय 318: भरत और शत्रुघ्न विदा लेते हैं

जहाँ जनक गुरु मति भोरी । प्राकृत प्रीति कहत बड़ि खोरी ॥
बरनत रघुबर भरत बियोगू । सुनि कठोर कबि जानिहि लोगू ॥

jahām̐ janaka guru mati bhorī | prākṛta prīti kahata bar̤i khorī ||
baranata raghubara bharata biyogū | suni kaṭhora kabi jānihi logū ||

सो सकोच-रस अकथ सुबानी । समउ सनेह सुमिरि सकुचानी ॥
भेंटि भरत रघुबर समुझाये । पुनि रिपुदवन हरषि हियँ लाये ॥

so sakoca-rasa akatha subānī | samau saneha sumiri sakucānī ||
bheṃṭi bharata raghubara samujhāye | puni ripudavana haraṣi hiyam̐ lāye ||

सेवक सचिव भरत रूख पाई । निज निज काज लगे सब जाई ॥
सुनि दारुन दुख दुहूँ समाजा । लगे चलन के साजन साजा ॥

sevaka saciva bharata rūkha pāī | nija nija kāja lage saba jāī ||
suni dāruna dukha duhūm̐ samājā | lage calana ke sājana sājā ||

मनु-पद-पदुम बन्दि दोउ भाई । चले सीस धरि राम-रजाई ॥
मुनि तापस बनदेव निहोरी । सब सनमानि बहोरि बहोरी ॥

manu-pada-paduma bandi dou bhāī | cale sīsa dhari rāma-rajāī ||
muni tāpasa banadeva nihorī | saba sanamāni bahori bahorī ||