अध्याय 314: भरत संकोच छोड़ सीख देने की विनती करते हैं

पुरजन परिजन प्रजा गोसाँई । सब सुचि सरस सनेहँ सगाई ॥
राउर बदि अल भव-दुख-दाहू । प्रभु बिनु बादि परम-पद लाहू ॥

purajana parijana prajā gosām̐ī | saba suci sarasa saneham̐ sagāī ||
rāura badi ala bhava-dukha-dāhū | prabhu binu bādi parama-pada lāhū ||

स्वामि सुजान जानि सब ही की । रुचि लालसा रहनि जन जी की ॥
प्रनतपालु पालिहि सब काहू । देउ दुहूँ दिसि ओर निबाहू ॥

svāmi sujāna jāni saba hī kī | ruci lālasā rahani jana jī kī ||
pranatapālu pālihi saba kāhū | deu duhūm̐ disi ora nibāhū ||

अस मोहि सब विधि भूरि भरोसो । किये बिचार न सोच खरो से ॥
आरति भार नाथ कर छोहू । दुहुँ मिलि कीन्ह ढीठु हठि मोहू ॥

asa mohi saba vidhi bhūri bharoso | kiye bicāra na soca kharo se ||
ārati bhāra nātha kara chohū | duhum̐ mili kīnha ḍhīṭhu haṭhi mohū ||

यह बड़ दोष दूरि करि स्वामी । तजि सकोच सिखइअ अनुगामी ॥
भरत बिनय सुनि सबहिँ प्रसंसी । छोर नीर बिबरन गति हंसी ॥

yaha bar̤a doṣa dūri kari svāmī | taji sakoca sikhaia anugāmī ||
bharata binaya suni sabahim̐ prasaṃsī | chora nīra bibarana gati haṃsī ||