अध्याय 313: भरत अवध की सेवा हेतु आज्ञा माँगते हैं

और न्हाइ सब जुरा समाजू । भरत भूमिसुर तेरहुति राजू ॥
भल दिन आजु जानि मन माहीं । राम कृपाल कहत सकुचाहीं ॥

aura nhāi saba jurā samājū | bharata bhūmisura terahuti rājū ||
bhala dina āju jāni mana māhīṃ | rāma kṛpāla kahata sakucāhīṃ ||

गुरु नप भरत सभा अवलोकी । सकुचि राम फिरि अवनि बिलोकी ॥
सील सराहि सभा सब सोची । कहुँ न राम सम स्वामि सँकोची ॥

guru napa bharata sabhā avalokī | sakuci rāma phiri avani bilokī ||
sīla sarāhi sabhā saba socī | kahum̐ na rāma sama svāmi sam̐kocī ||

भरत सुजान राम रुख देखी । उठि सप्रेम धरि धीर बिसेखी ॥
करि दंडवत कहत कर जोरी । राखीं नाथ सकल रुचि भारी ॥

bharata sujāna rāma rukha dekhī | uṭhi saprema dhari dhīra bisekhī ||
kari daṃḍavata kahata kara jorī | rākhīṃ nātha sakala ruci bhārī ||

मोहि लगि सहेउ सबहिँ सन्तापू । बहुत भाँति दुख पावा आपू ॥
अब गोसाइँ मोहि देहु रजाई । सेवौं अवध अवधि भरि जाई ॥

mohi lagi saheu sabahim̐ santāpū | bahuta bhām̐ti dukha pāvā āpū ||
aba gosāim̐ mohi dehu rajāī | sevauṃ avadha avadhi bhari jāī ||